பருப்பு ரசம், பருப்பு ரசம், பருப்பு ரசம்

பருப்பு ரசம்                          By: Savithri Vasan


பொதுவா  ரசம் வைக்கரோம்னா  சாம்பாருக்கு பருப்பு போட்டு
இருந்தால் அதில் நீராக இருத்து   அதை கொதிக்கும்  ரசத்தில் விட்டு
விளாவி  அதை ரசமாக வைப்போம் . அனால் இது பிரத்யேக பருப்பு
ரசம் .


தேவை:-

துவரம்பருப்பு  1/2 ஆழாக்கு
புளி : எலுமிச்சை அளவு (புளி கரைசல் தயார் செய்ய)
தக்காளி:            : 2
மஞ்சள் பொடி : கொஞ்சம்
குழம்பு பொடி  2 டீஸ்பூன்
பெருங்காயம் : கொஞ்சம்
உப்பு : தேவைக்கேற்ப

தாளிக்க:-

கடுகு, மிளகாய் வெத்தல்

கருவேப்பிலை , கொத்தமல்லி




பருப்பை வேக வைக்கவும்


புளி  கரைத்து , கொஞ்சம் சாம்பார் பொடி போட்டு, பெருங்காயம்
உப்பு சேர்த்து , தக்காளி நறுக்கி போட்டு கொதிக்க வைக்கவும்

பொடி வாசனை போக கொதித்ததும் , வேகவிட்ட பருப்பை
நன்றாக மசித்து இதில் போட்டு 10 நிமிடம் கொதிக்க விடவும்

கடுகு , மிளகாய் வற்றல் நெய் விட்டு தாளிக்கவும்

கருவேப்பிலை , கொத்தமல்லி சேர்க்கவும் .

குறிப்பு:- தக்காளியை நெய் விட்டு வதக்கி போட்டால் சுவை கூடும்

                  தக்காளியை நன்றாக கைகளால் நசுக்கி போட்டும் செய்யலாம்

                  தனியாக ரசப்பொடி செய்து போட்டால் அதன் சுவை அலாதி

                  ஈய சொம்புல வைங்க  அப்புறம் சுவைய சொல்லுங்க

ரசம் பருப்பு ரசம் , ஈயசொம்பில் வைத்த சுவையான ரசம் வேணுமா

வேப்பம்பூ ரசம்

வேப்பம்பூ ரசம்                                      By:Savithri Vasan

இது சிம்பிள் ஆனா ரொம்ப அவசியமான ரசம்
நம்ம ஆரோக்கியத்திற்கு


புளி  கரைத்து , உப்பு சேர்த்து 1/2 ஸ்பூன் குழம்பு பொடி போட்டு
வெத்த மிளகாய் 2 கிள்ளி  போட்டு நல்லா கொதிக்க விடவும்

கொதித்ததும் தண்ணீர் விட்டு விளாவவும்

கடுகு தாளித்து போட்டு , பிறகு வேப்பம்பூவை சிறிது
எண்ணை  விட்டு பொன்வறுவலாக வறுத்து  ரசத்தில்
போடவும் .

அவ்வளவுதான் வேப்பம்பூ ரசம் தயார்



பூவிலே சிறந்த பூ குஷ்பூ இல்லைங்க வேப்பம்பூ (ரசம்)

மைசூர் ரசம்

கம , கம  மைசூர் ரசம் ,                       By:-Savithri Vasan


சரசங்கள் பலவிதம் , சலனங்கள் பலவிதம் ,ரசனைகள் பலவிதம்
ரசங்கள் பலவிதம் , அதில் மைசூர்  ரசமும் ஒருவிதம்



தேவையானவை:-

துவரம் பருப்பு : 1 ஆழாக்கு
தக்காளி             :  2
புளி                      : எலுமிச்சை அளவு
மஞ்சள் பொடி :  கொஞ்சம்
பெருங்காயம்  :  கொஞ்சம்
உப்பு                    :  தேவைக்கேற்ப
கருவேப்பிலை:
கொத்தமல்லி :

பொடி செய்ய:-

தேங்காய் துருவல் 2 டீஸ்பூன்
கடலைபருப்பு           2 டீஸ்பூன்
தணியா                        2 டீஸ்பூன்
மிளகு                            1 டீஸ்பூன்
மிளகாய் வத்தல்      4 Nos.

தாளிக்க: கடுகு, மிளகாய் வெத்தல்

முதல்ல பருப்ப வேகவையுங்க

அதுக்குள்ள  புளி கரைத்து அதில் தக்காளி நறுக்கி போட்டு
மஞ்சள் பொடி , பெருங்காயம் உப்பு சேர்த்து கொதிக்க விடுங்கள்


இந்த ரெண்டுக்கும் இடைப்பட்ட நேரத்தில் மேல சொன்ன
தேங்காய், கடலைப்பருப்பு, தனியா, மிளகு, மிளகாய் வற்றல்
எல்லாம் கொஞ்சமா எண்ணை விட்டு வறுத்து , மிக்சில போட்டு
பொடி பண்ணி வச்சிடுங்க

இப்ப என்ன பருப்பு வெந்தாச்சு , அடுப்பில கொதிக்கவிட்ட புளி
தண்ணில  வெந்த பருப்ப போட்டு , இந்த  பொடிய சேருங்க
நல்லா 10 நிமிஷம் கொதிக்க விடுங்க .

கடுகு, மிளகாய்வற்றல் நெய் விட்டு  தாளிங்க

கருவேப்பிலை , கொத்தமல்லி போடுங்க

ஒரு கப் எடுங்க , கொஞ்சம் ரசம் அதுல விட்டு சூடா சுவைங்க




மணம் கமழும்  மைசூர் ( ரசம் ) நம்ம வீட்டு சமையல் அறையில் 

பைனாப்பிள் ரசம்(Pinapple Rasam)

பைனாப்பிள்  ரசம்


பழமாய் சுவைக்கலாம் , பழரசமாக சுவைக்கலாம் , ஏன்
பருப்பு ரசமாகவும் சுவைக்கலாம் வாருங்கள் பைனாப்பிள்
போட்டு ரசம் செய்வது எப்படி என்று அறிந்துகொள்வோம்


பைனாப்பிள் நல்ல பழமாக 4 துண்டுகள் தெரிவு செய்து கொள்ளுங்கள்


பிற தேவைகள் :-

தக்காளி           1
துவரம் பருப்பு    1/2 ஆழாக்கு
புளி கரைசல்       1 கப் 
காரப்பொடி          2 ஸ்பூன் 
பச்சை மிளகாய்  2
உப்பு                     தேவைக்கேற்ப 
பெருங்காயம்      1 ஸ்பூன் 
இஞ்சி                  கொஞ்சம்
மஞ்சள் போடி     கொஞ்சம் 
கருவேப்பிலை   கொஞ்சம் 
கொத்தமல்லி      கொஞ்சம் 
கடுகு , மிளகாய் வற்றல் தாளிக்க  

பருப்பை வேக வைத்து நன்றாக மசித்து கொள்ளவும் , 

ஒரு பாத்திரத்தில் பைனாப்பிள் துண்டுகள் போட்டு , கரைத்த புளி கரைசல் 
சேர்த்து , மஞ்சள் பொடி, உப்பு, பெருங்காயம் சேர்த்து , தக்காளியை பொடி 
பொடியாக நறுக்கி போடு , 1 டம்பளர் தண்ணீர் விட்டு அடுப்பில் வைத்து 
கொத்துக்க விட்டு, நன்றாக மத்து கொண்டு மசித்து விடவும் , பிறகு இதனுடன் 
வேகவைத்த பருப்பு சேர்த்து சிறிது நேரம் கொதிக்க விடவும் .

அடுப்பில் இருந்து இறக்கி , கொஞ்சம் பைனாப்பிள் துண்டுகள் சேர்த்து 
கொஞ்சம் கருவேப்பிலை, கொத்தமளி சேர்க்கவும் . நெயில் கடுகு 
தாளிக்கவும்.

சுவைக்க , மனமுள்ள பைனாப்பிள்  ரசம் , இதோ உங்கள் முன்னே , 
ஜூஸ்  மாதிரி குடிங்க , இல்ல சாதம் போட்டு சாப்டுங்க , அது உங்க 
விருப்பம் .


பழ ரசமா , பைனாப்பிள் ரசமா , நீங்க சொல்லுங்க !!!

விளாம்பழ ஓடு ரசம்

விளாம்பழ ஓடு ரசம்


முன்னமே சொன்னேன் இல்லையா , விளாம்பழ பச்சடி
செய்முறையும் , அப்பா விளாம்பழ ஓட்ட தூக்கி போடதீங்கன்னு
அந்த ஓட்ட வச்சு ஒரு ரசம் பண்ணலாம்


இது ஒன்னும் பெரிய வேலையோ விஷயமோ இல்லை


நாம ஜீரகம் ரசம் வைக்கறோம் இல்லையா அந்த ரசத்துல
இந்த ஓட போட்டு நல்ல கொதிக்க விடுங்க , பழத்தை
தாங்கிய ஓடு சுவை அதிகமாக இருக்கும் .

ஜீரகம் ரசம் வைக்கும் பொது மிளகு சேர்க்க வேண்டாம்
மற்ற எல்லா பொருட்டகளும் சேர்த்துவிடவும் , என்ன மறந்து போச்சா
அதுனால என்ன திரும்ப ஒரு தடவை சொல்லறேன்

ஜீரகம் ......................... 3 ஸ்பூன்
துவரம் பருப்பு ..........2 ஸ்பூன்
தணியா  ......................2 ஸ்பூன்
மிளகாய் வற்றல் ....2
கருவேப்பிலை
புளி கரைசல்....2 கப்
சாம்பார் பொடி 1/2  ஸ்பூன்
உப்பு : தேவைக்கேற்ப
பூண்டு (தேவையானவர்களுக்கு)

ஒரு பத்திரத்தில் புளி கரைசல் விட்டு 1/2 ஸ்பூன்
சாம்பார் போடி  போட்டு , தேவையான உப்பு சேர்த்து
2 டம்பளர் தண்ணீர் விட்டு கொதிக்கவிடவும்

ஜீரகம், மிளகு, துவரம்பருப்பு , தணியா , கருவேப்பிலை
மிளகாய் வற்றல் எல்லாம் மிக்சியில் போட்டு அரைத்து
விழுதாக எடுத்து அடுப்பில் கொதிக்கும் ரசத்தில் விட்டு
நன்றாக கொதிக்க விடவும் . விளாம்பழ ஓட்டை அதில் போட்டு கொதிக்க விடவும் 

அடுப்பில்  இருந்து இறக்கி வைத்து கடுகு மட்டும் தாளிக்கவும்

வியக்கும் விளாம்பழ ரசம் தயார்

ஜீரக - மிளகு ரசம்

ஜீரக - மிளகு ரசம்

இது உடலுக்கு நல்லது இதில் சேர்த்திருக்கும்
பொருட்களை சார்ந்து . மிளகும், ஜீரகமும்
உடலுக்கு மிகவும் நன்மை பயக்கும் பொருட்கள்.


தேவையானவை:

ஜீரகம் ......................... 3 ஸ்பூன்
மிளகு .......... ................3 ஸ்பூன்
துவரம் பருப்பு ..........2 ஸ்பூன்
தணியா  ......................2 ஸ்பூன்
மிளகாய் வற்றல் ....2
கருவேப்பிலை
புளி கரைசல்....2 கப்
சாம்பார் பொடி 1/2  ஸ்பூன்
உப்பு : தேவைக்கேற்ப
பூண்டு (தேவையானவர்களுக்கு)

ஒரு பத்திரத்தில் புளி கரைசல் விட்டு 1/2 ஸ்பூன்
சாம்பார் போடி  போட்டு , தேவையான உப்பு சேர்த்து
2 டம்பளர் தண்ணீர் விட்டு கொதிக்கவிடவும்

ஜீரகம், மிளகு, துவரம்பருப்பு , தணியா , கருவேப்பிலை
மிளகாய் வற்றல் எல்லாம் மிக்சியில் போட்டு அரைத்து
விழுதாக எடுத்து அடுப்பில் கொதிக்கும் ரசத்தில் விட்டு
நன்றாக கொதிக்க விடவும் .

அடுப்பில்  இருந்து இறக்கி வைத்து கடுகு மட்டும் தாளிக்கவும்

மிடுக்கான சீராக மிளகு ரசம் , கம , கமா , தயார்

சாப்பிடுங்க , அதுவும் எப்படி , சனிக்கிழமை / ஞாயிற்றுக்கிழமை
என்னை தேய்த்து குளித்துவிட்டு , பருப்பு துகையல் ,
சீராக ரசம் , இத்துடன் சுட்ட அப்பளம் ,

அப்புறம் என்ன நல்ல 2 மணிநேர தூங்குங்க , எழுந்தா
உடம்பு வலி இருந்த இடம் தெரியாம போகும் .


"ஜீரகமும், மிளகும் சீராக்கும்" உடல் உபாதையை 

பருப்பு அரைச்சுவிட்ட ரசம்

பருப்பு அரைச்சுவிட்ட ரசம்


அது என்ன பருப்பு அறைச்சுவிட்டது ,

ரசம் ஒன்பது வகை அதுதாங்க நவரசம்  நான் அத சொல்லல
அது கலை , இது சமயற்க்கலை இங்கயும் அவ்ளோ வகை இருக்கு


பருப்பு ரசம்
பருப்பு கரைத்து விட்ட ரசம்
பருப்பு அரைத்து விட்ட ரசம்
                     (அ )
பருப்பு நடத்திவிட்ட ரசம்
கண்டதிப்பிலி ரசம்
வேப்பம்பூ ரசம்
பைனாப்பிள் ரசம்
மைசூர் ரசம்
ஜீரகம் மிளகு ரசம்
காலிப்ளவர் ரசம்
பூண்டு ரசம்
எலுமிச்சை ரசம்
பயத்தம் பருப்பு ரசம்
கடலைப்பருப்பு துவரம் பருப்பு ரசம் 

இவ்ளோ இருக்குங்க , இன்னும் ஏதாவது விட்டுப்போனா 
எங்கிட்ட சொல்லுங்க நானும் தெரிஞ்சுக்கறேன்

இப்ப நாம தெரிஞ்சுக்கப்போறது பருப்பு நடத்திவிட்ட ரசம் (அ )
பருப்பு அரைச்சுவிட்ட ரசம்.

கொஞ்சம் துவரம் பருப்பு ஊறவைச்சுக்கோங்க

மத்தபடி சாதாரணமா இசை வைக்கராமாத்ரி ரசம் வைங்க

இந்த துவரம் பருப்பு கூட கொஞ்சம் கொத்தமல்லி
2 பச்சை மிளகாய் சேர்த்து மிக்சில  அரைச்சு ரசத்துல
சேர்த்து கொதிக்கவைங்க

அவ்ளவுதான் , இதன் சுவை தனி

கொட்டு ரசம்

அள்ளிப் போட்டு ரசம் (கொட்டு ரசம்):- By Savithri Vasan


அன்றாடம் சமைக்கும் எவருக்கும் ஒருநாள்
சற்று அலுப்பு ஏற்ப்படும் ,  அது உடல் அலுப்பு
அல்லது மன சலிப்பு காரணமாக இருக்கும்.

இது போன்ற சமயங்களில் , வேண்டா வெறுப்பாக
ஒரு ரசம் சமைப்போம்  இதற்க்கு பெயர்தான்
அள்ளிப்போட்ட ரசம், அல்லது கொட்டு ரசம்

சரி இதுல அப்டி என்னதான் போடுவோம்
கல், மண் , குப்பையா போடுவோம் ,
ச்ச  ச்ச , அப்டில்லாம் ஒன்னும் இல்லைங்க

பாருங்களேன் இப்ப நான் என்ன என்ன போடறேன்னு

பாத்திரத்தில் கொஞ்சம் தண்ணீர் , கொஞ்சம் புளி
துளி பெருங்காயம், 2 ஸ்பூன் குழம்பு பொடி,  கொஞ்சம்
உப்பு.

இவ்ளவுதாங்க , கொட்டு  ரசம் தயார்.

முடிஞ்சா கடுகு தாளிங்க , இருந்தா மல்லி , கருவேப்பிலை
போடுங்க.

எப்டி செஞ்சாலும் சுவை குறையாது.  சாப்டுங்க , சாப்டுங்க

சாப்டுகிட்டே இருங்க.

அவசர கோலம் அள்ளி தெளித்தாளாம் ........அள்ளிப் போட்டு ரசம்
அவளும் வைப்பாளாம்