Showing posts with label நொறுக்குத்தீனி (பட்ஷன வகைகள்). Show all posts
Showing posts with label நொறுக்குத்தீனி (பட்ஷன வகைகள்). Show all posts

Saturday, December 7, 2013

ரிங் முறுக்கு (Ring Murukku)

ரிங் முறுக்கு (Ring Murukku )  By: Velammal Gurusamy




இதன் செய்முறை கொஞ்சம் வித்தியாசமானது. 

கலக்கப்பட்டுள்ள மாவும் வித்தியாசமாய் இருக்கு. 

இந்தமாதிரி முறுக்கை நாங்கள் ஆந்த்ரா முறுக்கு என்போம். ஆனால் இதன் சுவையும் வித்தியாசமாய் இருக்கு .அதுபோல் இல்லை.,மிகவும் மொறு மொறுப்பாக இருந்தது .எண்ணெய் குடிக்கவே இல்லை .


ஒருகப் அரிசி மாவுடன் ,அரைக்கப் வறுத்த கடலைமாவு ,அரைக்கப் வறுத்து தோல் நீக்கி பொடித்த வேர்கடலைமாவு .உப்பு ,வத்தல் பொடிசேர்த்து கெட்டியாகப் பிசைந்து ,சீடைபோல் சிறு சிறு உருண்டைகளாக உருட்டி .பின்னர் ,அதை கையில் வைத்து நீளமாக உருட்டி ,சின்ன வளையங்களாக்கி .மிதமான தீயில் எண்ணெய்யில் பொரித்து சில்வர் தட்டில் வாரி போட்டபோது ,ரிங் ரிங் என்ற ஒலிஎழுப்பியது ரிங் முறுக்குகள் .

Sunday, November 24, 2013

முந்திரி பக்கோடா

 முந்திரி பக்கோடா:   By Velammal Gurusamy





முந்திரி ஒரு காஸ்ட்லியான உணவில் சேர்க்கும்
பொருள் தான் , ஆனாலும் நாம் அதை என்றுமே
தவிர்த்ததில்லை, முதலில் அதன் சுவை, அதன்
அழகு சேர்க்கும் விதம் இவை அனைத்துமே காரணம்

சிலநேரங்களில் நம்மை அறியாமல் முந்திரி வீட்டில்
தீர்ந்து போவதும் உண்டு, அதிகபடியான அளவு
தேங்கி போய்விடுவதும் உண்டு .

முன்பெல்லாம் எங்கள் வீட்டில் பலசரக்கு வாங்கும்
கடையில் (சென்னையில் தான்) வீட்டிற்கு பலசரக்கு
வாங்க லிஸ்ட் கொடுத்து விட்டு வந்தால் , வீட்டிற்கு
லிஸ்ட் பிரகாரம் அனுப்பி வைத்து விடுவார்கள் , பார்த்தால்
அதில் முந்திரி , திராட்சை பொட்டலம் இருக்கும் நாம்
ஆர்டர் கொடுக்காமலே, கடைக்காரரின் இனாமாக.

இன்று நிலைமை மாறிவிட்டது அது வேறு விஷயம்
கூட்டு குடும்பமும் இல்லை, பொருட்களின் விளையும்
விண்ணை தாண்டி வருவாயா என்று கேட்கும் நிலை.

முந்திரி பகோடா செய்வது ஒரு எளிய முறை
எளிதில் எவரும் செய்யக்கூடியது , சுவை நிறைந்தது

வீட்டில் முந்திரி நிறைய இருந்தது. என்ன செய்வது என்று யோசனை. நினைவுக்கு வந்தது பக்கோடா.

ஒரு கப் முந்திரியை பாத்திரத்தில் கொட்டி இரண்டு கப் கடலைமாவு, ஒரு டேபிள் ஸ்பூன் அரிசிமாவு, சுவைக்கேற்ப உப்பு மிள்காய்த்தூள் கறிவேப்பிலை பெருங்காயப்பொடி தண்ணீர் சேர்த்து கெட்டியாகப் பிசைந்து எண்ணெயில் கிள்ளிப்போட்டு பொரித்தெடுத்தேன் மொறு மொறு என்று சுவையான முந்திரி பக்கோடா கிடைத்தது.

சும்மாவா சுந்தரி செய்த முந்திரி பகோடா
சுவைத்து பாருங்கள், அழைத்து கூறுங்கள் 

Thursday, November 21, 2013

பேர்ட்ஸ் நெஸ்ட் - Birds Nest

பேர்ட்ஸ் நெஸ்ட்    By Velammal Gurusamy 

ஆங்காங்கே பறவைகள் கட்டிய கூட்டை 
நாம் பார்த்து இருக்கோம்,  கட்டிய கூட்டில் 
பறவைகள் முட்டை இட்டு குஞ்சு பொரித்து 
குட்டிகளுக்கு உணவு ஊட்டுவதை பார்த்திருப்போம் 

இங்கே அந்த "பறவைகள் கூடு" என்ற ஒருவகையான 
உணவே நம் குழந்தைகளுக்கு மகிழ்ச்சி அளிக்கும் விதமாக 



கைப்பக்குவம் என்னும் ஆலமரத்தில் ஒரு சின்னப்பறவை கட்டிய கூட்டை பார்த்தீங்க .இதோ இன்னொரு பறவையின் கூடு .இந்தகூட்டைக் கட்ட நான் எடுத்துக்கொண்டவை ,



பெரிய உருளைக்கிழங்கு  ஒன்று ,
பொரிக்க வலைக் கரண்டி ,
எண்ணெய்,
உப்பு, மிளகுப்பொடி, சிப்ப்ஸ் கட்டிங் போர்டு .



உருளைக்கிழங்கை  நன்கு தோல்நீக்கி, தீக்குச்சி வடிவில் 
வெட்டிக்கொள்ளவேண்டும் .அதை அரைமணி நேரம் குளிர்ந்த நீரில் ஊறவிடவேண்டும்.
பிறகு அதை நன்கு வடிகட்டி,ஈரம் போக துடைத்து, வலை 
கரண்டியின் உள்பாகத்தில் நன்கு அழுத்தி வைக்க வேண்டும். 



கரண்டியின் வெளிபாகத்தில் நீட்டிக்கொண்டிருக்கும் 
பகுதியை வெட்டிவிட வேண்டும். 

அடுப்பில் வாணலியில் மிதமான சூட்டில் எண்ணை 
வைத்து , கரண்டி முழுவதுமாக எண்ணையில் மூழ்கும்படி 
வைத்து வேகவிடவேண்டும் .பொன்னிறமானதும் மெதுவாக 
எடுத்து விடவேண்டும். 

ஆறியதும் ஒரு பிளேட்டில் தலைகீழாக  கவிழ்தினால்  
'பேர்ட்ஸ் நெஸ்ட்' அங்கெ இருக்கும் .உப்பு,மிளகு தூவி
விட்டால் போதும், வீட்டிலுள்ள குட்டிப் பறவைகள் 
கூட்டைனோக்கி பறந்தோடிவரும்.


Tuesday, November 19, 2013

அச்சு முருக்கு

அச்சு முருக்கு .....by Velammal Gurusamy


இது ஒரு ஸ்ரீ லங்கன் ஸ்நாக்ஸ் .நமது தீபாவளியைப்போல அவர்கள் புத்த ஜெயந்தி அன்று இதைச் செய்வார்கள். இதற்கு அவர்கள் சொல்லும் பெயர் கொக்கிஸ். 

நம் நாட்டில் அச்சு முறுக்கு என்கிறோம். சிலர் இதை ரோஸ் குச்சி என்கிறார்கள்.
இதைச் செய்ய கண்டிபாக அச்சு (மோல்ட் )வேண்டும் .இது விதவிதமான டிசைன்களில் கடையில் கிடைக்கும்.

பச்சரிசியை ஊறவைத்து பொடித்து அதோடு கொஞ்சம் சர்க்கரை தேங்காப்பால் சேர்த்து பஜ்ஜி மாவு பதத்திற்கு கலக்க வேண்டும்.
கடாயில் எண்ணெய் ஊற்றி மிதமான தீயில் வைத்து முறுக்கு அச்சை எண்ணெய்யில் மூழ்கும் படியாக வைக்க வேண்டும். அச்சு நன்கு 
சூடானதும், அதை மாவில் முக்கால் பாகம் மூழ்கும் படியாக முக்கி எண்ணெய்க்குள் வைத்து லேசாக அசைக்க வேண்டும்.

முறுக்கு அச்சிலிருந்து கழன்று எண்ணெய்க்குள் விழும்.
உடனே திருப்பிப் போட்டு ,எடுத்துவிட வேண்டும் .ஒவ்வொரு 
முறுக்காக மாவில் சூடான அச்சை முக்கி சுடவேண்டும்.
கொஞ்சம் பொறுமை வேண்டும். 

சுட்ட முறுக்குகள் வெள்ளைவெளெரென்று மொறுமொறுப்பாக வாயில் போட்டதும் கரையும் .குட்டிக் குழந்தைகள் அச்சு முறுக்கை வச்சு வாங்குவாங்க .

Thursday, November 1, 2012

வேர்கடலை பகோடா

வேர்கடலை பகோடா:-

தேவையானப்பொருட்கள்:

கடலை மாவு - 2 கப்
அரிசி மாவு - 1 கப்
மிளகாய்த்தூள் - 1 டீஸ்பூன்
பெருங்காயத்தூள் - ஒரு சிட்டிகை
உப்பு - 2 டீஸ்பூன் அல்லது தேவைக்கேற்றவாறு
வேர்க்கடலை - 1 கப்
கறிவேப்பிலை - 1 கொத்து
எண்ணை - பொரிப்பதற்கு தேவையான அளவு




செய்முறை:

ஒரு பாத்திரத்தில் கடலை மாவு, அரிசி மாவு, வேர்க்கடலை, மிளகாய்த்தூள், பெருங்காய்த்தூள், உப்பு, கறிவேப்பிலை ஆகியவற்றைப் போட்டு ஒன்றாகக் கலக்கவும். அதில் ஒரு டேபிள்ஸ்பூன் சூடான எண்ணையை விட்டு, மீண்டுன் கலக்கவும். பின் அதில் சிறிது நீரைத் தெளித்து கெட்டியாகப் பிசைந்துக் கொள்ளவும்.

வாணலியில் எண்ணை விட்டு காய்ந்ததும், மாவை எடுத்துக் கிள்ளிப் போட்டு, பொன்னிறமாகப் பொரித்தெடுக்கவும்.




Tuesday, October 30, 2012

கோதுமை மாவு பிஸ்கட்

கோதுமை மாவு பிஸ்கட் - இனிப்பு வகை

கோதுமை மாவு பிஸ்கட் தேவையான பொருட்கள்


பள்ளி நாட்களிலிருந்து இன்று வரை மறக்கமுடியாத
ஒரு நொறுக்குத்தீனி இந்த கோதுமை மாவு பிஸ்கட்


ஸ்கூல் போகும்போது பாகெட் நிறைய போட்டுண்டு
வழியெல்லாம் தின்னுண்டே போவேன் , ஸ்கூல்
நண்பர்களுக்கு கொடுத்து மகிழ்ந்த காலம் பசுமை நினைவுகள்
மாறாத காலம்.


அதிக சிரமம் இல்லாமல் சுலபமான செயமுறைகளுடன் கூடிய
சுவையான தின்பண்டம்.

கோதுமை மாவு - 1 கோப்பை
சர்க்கரை - 1/4 கோப்பை
நெய் - 2 மேஜைக் கரண்டி
எண்ணெய் - தேவையான அளவு

செய்முறை

கோதுமை மாவை சலித்து நெய் சேர்த்து கையால் ஒரே சீராக நன்கு பிசறவும்.
சர்க்கரையுடன் சிறிது தண்ணீர் சேர்த்து சூடாக்கி கரைத்துக் கொள்ளவும்.
பின்னர் கோதுமை மாவுடன் சர்க்கரைப் பாகை கொஞ்சம் கொஞ்சமாக சேர்த்து நன்கு பிசையவும்.



 பிசைந்த மாவை 1/4 அங்குல கனத்திற்கு சப்பாத்தி போல உருட்டி, பின்னர் அதை டைமண்ட் வடிவிலோ அல்லது சிறு பாட்டில் மூடியைப் பயன்படுத்தி வட்ட வடிவிலோ வெட்டவும்.

பின்னர் வாணலியில் எண்ணெய் ஊற்றி, சூடானதும் வெட்டிய துண்டுகளை அதில் போட்டு பொன் நிறமாக பொரித்தெடுக்கவும்.



இதுலயே சர்க்கரைக்கு பதிலாக , காரப்பொடி போட்டு செஞ்சா அது கார பிஸ்கட்

Wednesday, October 10, 2012

உருளைக்கிழங்கு (விரல்) சிப்ஸ்

உருளைக்கிழங்கு விரல்  சிப்ஸ் (Potato Finger Chips)


பொதுவா உருளைக்கிழங்கு சிப்ஸ் என்றாலே எல்லாருக்கும்
உமிழ்நீர் சுரக்கும் , இந்த மெது மெதுவான  பிங்கர் சிப்ஸ் என்றால்
கேட்கவே வேண்டாம் .

பெரிய பெரிய  உணவு விடுதிகள் பன்னாட்டு மையங்களில்
இது தயாரித்து கொடுக்கும்போது  விலையும்  அதிகம் கொடுக்க
வேண்டி இருக்கும். ஆனால் நாம் நம் வீட்டிலேயே செய்து
சாப்பிட்டால் சுவையும் அதிகம் , செலவும் குறைவு.


தேவை:-

உருளைக்கிழங்கு 5
உப்பு சிட்டிகை
மிளகுத்தூள்  தேவைக்கேற்ப
எண்ணை  200 கிராம்



உருளைக்கிழங்கை  விரல்கள் போல் நீட்டு நீட்டாய் நறுக்கி
தண்ணீரில் சுத்தமாக கழுவி வைத்துக்கொள்ளவும் . சிறிது
உலரட்டும் ,அல்லது சுத்தமான துணியால் துடைத்து விடவும்




அடுப்பில் வாணலியில் என்னை விட்டு மிதமான சூட்டில்
இந்த உருளைக்கிழங்குகளை பொரித்து எடுக்கவும் .



பொரித்து எடுப்பது அவரவர் விருப்பம் , நன்றாக வறுத்தால்
மொற மொற என்று இருக்கும் , கொஞ்சம் பொன்னிறம் வறுவலில்
எடுத்தால் சிறிது மென்மையாக இருக்கும் .




இதன் மீது மிளகுத்தூள் , உப்புத்தூள் போட்டு , கொஞ்சம்
கெட்சப் விட்டு குடுங்க




என்ன தயார் பண்ணிட்டீங்களா வெளிய எல்லாரும்
காத்திட்டு இருக்காங்க , போங்க சீக்கிரம் கொண்டு போய்
குடுங்க .



விரல் நுனியில் விஷயம் இருக்க , விலை ஏன் அதிகம் கொடுக்கவேண்டும்
செய்து சாப்பிடுங்க  பிங்கர் சிப்ஸ்

Thursday, October 4, 2012

முந்திரி பருப்பு பகோடா

முந்திரி பருப்பு பகோடா


விலை அதிகம், சுவை அதிகம் , இப்டி எல்லாம் சொல்லிண்டே போகலாம்
ஆனால் செய்வது ரொம்ப சுலபம்.


என்ன தேவை

கடலை மாவு 1கப்
அரிசி மாவு      1 கப்
முந்திரி             30        

மிளகாய்த்தூள்    2 டீஸ்பூன்
புதினா இலை கொஞ்சம் (துண்டாக நறுக்கி கொள்ளவும்)
உப்பு தேவைக்கேற்ப (1/2 டீஸ்பூன் )
வெண்ணை/ நெய்    2 டீஸ்பூன்

அவ்ளவுதான் இப்ப இத எப்பிடி செய்யறதுன்னு பாக்கலாம்


கடலைமாவு , அரிசி மாவு , முந்திரி , உப்பு, காரப்பொடி , பொதினா இலை
(துண்டு துண்டாக நறுக்கியது ) எல்லாம் ஒண்ணா  போட்டு  நெய்/வெண்ணை
ஏதாவது ஒன்னு போட்டு நல்லா கலந்து கொஞ்சமா தண்ணிவிட்டு கேட்டியா
பிசைஞ்சு வைங்க

அடுப்பில் மிதமான தீயில் வாணலியில் எண்ணை விட்டு  பிசைந்து
வைத்த மாவில் கொஞ்சம் கையில் எடுத்துக்கொண்டு  சின்ன சின்னதாக
கிள்ளி , கிள்ளி  போடுங்க , பிள்ளைங்க துள்ளி துள்ளி வரும் பாருங்க
சுவைக்க



கொடுத்து மகிழுங்கள் , பிள்ளைகள் உண்பதைக் கண்டு ரசித்து மகிழுங்கள்




Friday, September 14, 2012

பூசணிக்காய் அவல்

பூசணிக்காய் (தயிர்) அவல்



பூசணிக்காய் பொதுவாக உடலுக்கு நல்லது அதுவும்
நம்முடைய குடல் பாதுகாப்புக்கு மிகவும் சிறந்தது ,
அதனுடன் அவல்  சேர்த்து  மதிய / மாலை நேர சிற்றுண்டி



பூசணி  பத்தை     4 (சாறு எடுத்துக் கொள்ளவும் )
அவல்                      2 கப்
குடமிளகாய்         1 கப் (துண்டாக நறுக்கியது)
பச்சை மிளகாய்  1
உப்பு                        தேவைக்கேற்ப
மிளகு தூள்           1 டீஸ்பூன்
தயிர்                        2 கப்



அவல்  சுத்தப்படுத்தி களைந்து , அதில் பூசணிக்காய் சாறு சேர்த்து
நறுக்கிய குடமிளகாய் , பச்சை மிளகாய், மிளகு பொடி , உப்பு
சேர்த்து தயிர் கலந்து சாப்பிடவும் .  கடும் கோடையில் இது
உடலுக்கு மிகவும் நல்லது

Thursday, September 13, 2012

வெங்காய பகோடா

வாங்க  சாப்பிடலாம்  வெங்காய பகோடா

மழை காலம் இனி வரும் காலங்கள் , சூடா ஏதாவது சாப்பிடனும்
அப்டின்னு தோணும் , கொஞ்சம் சிக்கனமா , சீக்கிரமா சுவையா
சாப்பிடனும்னா  அதுக்கு இருக்கவே இருக்கு பகோடா , அதுவும்
வெங்காய பகோடா


தேவையானவை:

கடலை மாவு  2 கரண்டி
அரிசி மாவு       1 கரண்டி
வெங்காயம்     2
பச்சைமிளகாய்  3
கருவேப்பிலை  கொஞ்சம்
அப்பா சோடா     ஒரு பிஞ்
உப்பு  தேவையான அளவு

மேலே சொன்ன எல்லாத்தையும் நல்லா கொஞ்சமா தண்ணி விட்டு
கலந்து , கொஞ்சம் என்னை சுடவச்சு அதையும் இந்த மாவுல விட்டு
கெட்டியா பிசைஞ்சு வச்சுக்கணும் .

இப்ப அடுப்புல எண்ணை  வாணலி ஏற்றி , எண்ணை  காஞ்சதும்
அதுல பிசைஞ்சு வச்ச மாவ உதிர்த்தா மாதிரி போட்டா வெங்காய
பகோடா பிரமாதமா வரும்.




சாப்பிடலாமா வெங்காய பகோடா , பக்கத்ல யாரெல்லாம் இருக்காங்க
குடுங்க எல்லாருக்கும்.

குறிப்பு:- தேவைப்பட்டா முந்திரி சேர்த்துக்குங்க இன்னும் சுவை
                  நல்லா இருக்கும் யார் வேணாம்னு சொன்னது 

  

Monday, September 10, 2012

எள்ளுருண்டை

எள்ளுருண்டை :-   By:- Savithri Vasan

வெள்ளை எள்ளு / கருப்பு எள்ளு  , இரண்டும் உண்டு
பெரும்பாலும் கருப்பு எள்ளு திதி தினத்தன்று உபயோகிப்பார்கள்

நாம இப்ப வெள்ளை எள்ளு உபயோகப்படுத்தி இதை செய்யலாம்




வெள்ளை எள்ளு 200 கிராம்
வெல்லம்  1/4 கிலோ

எள்ளை 10 நிமிடம் தண்ணீரில் ஊறவைத்து
நீர் வடிகட்டி , எள்ளை  வாணலியில் வறுத்துக்கொள்ளவும் .



வெல்லம்  கெட்டிப் பாகு தயார் செய்துவைக்கவும்




வறுத்து வைத்த எள்ளில் , சிறிது சிறிதாக வெல்லப்பாகை
சேர்த்து கிளறவும் , பிறகு சிறு சிறு உருண்டைகளாக
செய்து வைக்கவும் ..




உடலுக்கு நல்லது , உழைக்க , சக்தியை கொடுக்கும்


இது பெரும்பாலும் பிதுர்க்கள் தினத்தன்றே செய்யப்படும்
ஆனால் மற்ற நாட்களில் செய்து சாப்பிடுவதில் தவறில்லை
ஏன் என்றால் , பழமொழி சொல்கின்றது  ................


................."இளைத்தவனுக்கு எள்ளு , கொழுத்தவனுக்கு கொள்ளு"
நீங்க யாரு?




Sunday, September 9, 2012

குனுக்கு ; குனுக்கு ; குனுக்கு !!!!

குனுக்கு   -  By:- Savithri Vasan


துணுக்கு தெரியும் , படிச்சிருப்போம் , கேட்டு ரசிச்சிருபோம்
அது என்ன  குனுக்கு  ?

சுவைத்து  ரசிக்கிரதுது தான்  குனுக்கு .

இது ஒரு மாலை நேர நொறுக்கு தீனி , மழைக்கால புத்துணர்ச்சி
டிபன்.

பொதுவா இதுக்கு சைடு டிஷ் எதுவும் தேவை இருக்காது

சரி இந்த துணுக்கு செய்திகள் போதும் , இப்ப  குனுக்கு 
எப்டி செய்யறதுன்னு பார்ப்போம்.

தேவையானவை:-



அரிசி                    2 ஆழாக்கு
துவரம் பருப்பு  1 ஆழாக்கு
கடலை பருப்பு  1 ஆழாக்கு
உளுத்தம் பருப்பு கொஞ்சம்
தேங்காய்                கொஞ்சம்
வேர்கடலை ( விருப்பம் இருந்தால்)

எல்லாம் மொத்தமா போட்டு 1 மணிநேரம் ஊறட்டும்

பச்சை மிளகாய்  5
வெத்தமிளகாய்  7
பெருங்காயம்        சிறிது
உப்பு :-                       தேவைக்கேற்ப
கருவேப்பிலை கொஞ்சம்




மிக்சில பெருங்காயம், பச்சை மிளகா, வெத்த மிளகாய் உப்பு
போட்டு முதல்ல அறைசிடுங்க , அப்புறம் ஊற வச்ச பருப்ப
அரிசி போட்டு கொஞ்சம்  கொர கொரன்னு  அரைச்சுக்குங்க



இதுல கொஞ்சம் வெங்காயம் பொடி பொடியா நறுக்கி போடுங்க
கருவேப்பிலை கிள்ளி  போடுங்க.

அப்புறம் என்ன 'ஆல்மோஸ்ட்', குனுக்கு  தயார் ஆனமாதிரிதான்

 அடுப்புல மிதமான சூட்டல, வாணலியில் எண்ணை  வச்சு
அரைச்ச மாவ சின்ன சின்னதா "கிள்ளி"  போடுங்க , சிவந்து
வரும்போது  ஒரு பாத்திரத்தில் (டிஷு பேப்பர் போட்டு)
குனுக்கு எடுத்து போடுங்க (முதல் ஈடு செஞ்சதும் கொஞ்சம்
சுவை பாருங்க , குறை இருந்த சரி பண்ணுங்க)



சுவை ஒகே அப்டின்ன புல்லா செஞ்சு முடிங்க ,




விடுவாங்களா



வீட்ல, பிள்ளைங்க , அம்மா எனக்குன்னு ஆளாளுக்கு
ஒரு கப் எடுத்துண்டு வருவாங்க.

குழந்தைங்க சந்தோஷமா சாப்பிடற  ஒரு நல்ல ஐட்டம்
இது.

இது மீந்து போன அடை மாவுல கூட செய்யலாம்னு
சொல்லறாங்க , எங்க வீட்ல அடைக்கே  மாவு பத்தாது
அப்புறம் இதுக்கு எங்க? நோ சான்ஸ் .

நாங்க எப்பவுமே  பிரெஷ்  பிரிபரேஷன் தான் .

"துணுக்கை" படிச்சு ரசிக்கும்போது கொஞ்சம் "குனுக்க"யும் 
ரசிச்சு சுவைங்க 





Thursday, September 6, 2012

புளிப்புத் தேன்குழல்



புளிப்புத் தேன்குழல் : By:- Savithri Vasan


இதுக்கு பேர் புளிப்புத் தேன் குழல்
கண்டிப்பா இதை புளித்த மோர் கொண்டுதான் செய்யவேண்டும்
மோர் இயற்கையாக புளிக்க வேண்டும் . அது என்ன இயற்கையா
புளிக்க வைக்கறது .

உடம்பு வியர்க்க என்ன பண்றோம் , குளிருட்டப்பட்ட அறையை
விட்டு வெளியே வந்தால் , கொஞ்சமாவது வியர்க்கும் அதுபோல்
குளிர் சாதனப் பெட்டியில் இருந்து மோரை எடுத்து வெளியே
வைத்தால் மோர் புளிக்கும்.

தேவை :-

அரிசிமாவு 2 கப்
காரப்பொடி 2 டீஸ்பூன்
பெருங்காயம் : கொஞ்சம்
உப்பு : தேவைக்கேற்ப

மோர் (புளித்தது) : 4 கப் .





அரிசிமாவு, உப்பு, காரப்பொடி , பெருங்காயம்
இவையனைத்தும் வீட்டில் இருக்கும் புளிப்பு
மோரில் கலந்து கெட்டியாக பிசைந்து வைத்துக்
கொள்ளவும் (முறுக்கு பதத்தில்)





இப்ப வீட்ல இருக்கற அச்சுக்குழல் எடுத்துக்கோங்க
மாவ உருண்டைய பிடிச்சு குழல்ல அடைச்சு
அப்டியே உங்க இஷ்டம் போல அடுப்புல
வாணலில எண்ணை வச்சு அதுல புழிங்க
நல்லா சிவந்து வரும்.




எடுத்து டப்பால போட்டு வச்சா , மதியம்
பசி நேரத்துல சாப்பிடலாம் , மாலை டீ / காபி
சமயத்தில் சாப்பிடலாம் . சில நேரங்களில்
மாலை சிற்றுண்டியாக குழந்தைகளுக்கு
குடுத்து (அவங்களை ஏமாத்தலாம்)


அது சரி அப்ப ஏன் தேன்  குழல் அப்டீன்னு ஏன் சொல்லறோம் 
நியாமான கேள்வி . 1) தேன்போல் இனிக்கும் , 2) இந்த முறுக்கு 
சுற்று பாருங்க தென் பூக்களின் குழல் போல் இருக்கும் .




குழல் இனிது யாழ் இனிது என்பர் மக்கள் தேன்குழல் சுவை 
அறியாதவர்