பீட்ரூட் தேங்காய் ஜீரகம் அரைச்சு விட்ட கூட்டு

பீட்ரூட் தேங்காய் ஜீரகம் அரைச்சு விட்ட கூட்டு  

பீட்ரூட் , காய், சாலட் , அல்வா, ஜூஸ் , இப்டி எவ்ளவோ சாபிடறோம் 

இப்ப பீட்ரூட் கூட்டு செஞ்சு சாப்பிடலாம் 

தேவை:

பீட்ரூட் 2 

பயத்தம்பருப்பு  2 கப் 

தேங்காய் துருவல் 

உப்பு  தேவைக்கேற்ப 

ஜிரகம்        2 டீஸ்பூன் 

பச்சை மிளகாய்   4 

தாளிக்க:-  கடுகு , உளுத்தம் பருப்பு, வரமிளகாய் 

விழுது அரைக்க:-  தேங்காய் துருவல், ஜீரகம், பச்சைமிளகாய்  மிக்சியில் போட்டு 

                                விழுதாக அரைத்து வைத்துக்கொள்ளவும் 

பயத்தம் பருப்பை வறுத்து வேகவைத்துக்கொள்ளவும் 

பீட்ரூட் சிறிது சிறிதாக நறுக்கிக் கொள்ளவும் 

வெந்த பருப்பில் பீட்ரூட் போட்டு , உப்பு சேர்த்து 5 நிமிடம் கொதிக்க விடவும் பிறகு இதனுடன் 

அரைத்த விழுதை போட்டு மேலும் 5 நிமிடம் கொதிக்க வைக்கவும் . 

பிறகு கடுகு உளுத்தம் பருப்பு , வரமிளகாய் தாளிக்கவும் . கருவேப்பிலை சேர்க்கவும் 

முருங்கைக்கீரை மசியல்

முருங்கைக்கீரை மசியல்   By: Savithri Vasan


முருங்கைக் கீரை  ஆய்ந்து அலம்பி சுத்தம் செய்து
வைத்துக்கொள்ளவும்

தேவை;

முருங்கைக்கீரை  2 கப்
கொஞ்சம் வேகவைத்த பருப்பு (துவரம்பருப்பு அல்லது பயத்தம் பருப்பு)
கொஞ்சம் பெருங்காயம்
உப்பு  தேவைக்கேற்ப

விழுது அரைக்கதேவையானவை :-

தேங்காய் துருவல் 1/2 கப்
வெதத மிளகாய்       3
சீரகம்                             1 டீஸ்பூன்

இவற்றை மிக்சியில் நன்றாக கொஞ்சம் தண்ணி விட்டு கெட்டியாக
விழுதாக அரைத்துக்க்ள்ளவும் .


கீரையை ஒரு பாத்திரத்த்தில் போட்டு வேகவிடவும்
குழைந்து வந்ததும் , இதில் வேகவைத்த பருப்பை போட்டு ,
உப்பு, பெருங்காயம் சேர்த்து , அரைத்த விழுதை போட்டு 10 நிமிடம்
மேலும் வேகவிடவும் .

அடுப்பி இருந்து இறக்கி , கடுகு , உளுத்தம்பருப்பு  தாளிக்கவும்

சூடாக எடுத்து பரிமாறவும் , சாதத்துடனும் சேர்த்து  சாப்பிடலாம்



c

பரங்கிக்காய் பால் கூட்டு

பரங்கிக்காய் பால் கூட்டு

பூசணி வகையில் இதுவும் ஓன்று , வெள்ளையாய் இருப்பதை
கல்யாண பூசணி என்பார்கள் , பரங்கிக்காயை மஞ்சள் பூசணி
என்பார்கள் .

இதில் காய், துகையல், குழம்பு என பலவகையான சமையல்
செய்து மகிழலாம் . நாம் இப்போது செய்து பழகப்போவது
பால் கூட்டு.

தேவையானவை -

பரங்கிக்காய் 1/4 கிலோ
பால்                  1 கப்
துருவிய வெல்லம்  1 கப்
தேங்காய் துருவல் /தேங்காய் பால் 1 கப்
மஞ்சள் பொடி   சிட்டிகை

தாளிக்க :-
கடுகு , உளுத்தம் பருப்பு ,1 மிளகாய் வற்றல்


பரங்கிக்காய் வாங்கி சுத்தம் செய்து தோல் சீவி சிறிது சிறிதாக
நறுக்கி வைத்துக்கொள்ளவும் இதனுடன் 2 டம்பளர் தண்ணீர்
சேர்த்து வேக வைக்கவும் .

ஒரு பாத்திரத்தில் கொஞ்சம் தண்ணீர் விட்டு அதனுடன்
அரிசிமாவு கலந்து வைக்கவும் .

காய் நன்றாக வெந்ததும் அதில் அரிசிமாவு கலந்த தண்ணீரை
சேர்த்து , கொஞ்சம் பால் விட்டு , கொஞ்சம் மஞ்சள் பொடி சேர்த்து
துருவிய வெல்லம்  சேர்த்து இன்னும் கொஞ்சநேரம் வேக விடவும்
பிறகு துருவிய தேங்காய் அல்லது தேங்காய் பால் சேர்த்து
மிகவும் இறுகி இருந்தால் கொஞ்சம் நீர்சேர்த்து இளக்கவும் .

சுவையான பரங்கிக்காய் பால் கூட்டு தயார் ஆகிவிட்டது

அடுப்பில் இருந்து இறக்கி , இதில் கடுகு உளுத்தம் பருப்பு
மிளகாய் வற்றல் தாளிக்கவும்


  கூட்டத்த கூட்டுங்க ; பால் கூட்ட சாப்பிடுங்க 

வெந்தயக்கீரை கூட்டு

பருப்பு வெந்தயக்கீரை கூட்டு

பொதுவாகவே கீரைவகைகள் உடலுக்கு நல்லது
வயிற்றிற்கு மிகவும் நல்லது , எளிதில் ஜீரணிக்க
உதவும் (இரவில் கீரை சாப்பிடுவதை தவிர்க்கவும் )


தேவை: வெந்தயக்கீரை 1 கட்டு

கடலைப்பருப்பு                   1 கப்
வெங்காயம் (பெரியது)     2
குழம்பு பொடி                        1 ஸ்பூன்
மஞ்சள் தூள்                          1 ஸ்பூன்
ஜீரகம்                                       கொஞ்சம்
உப்பு                                          தேவைக்கேற்ப
எலுமிச்சை சாறு                கொஞ்சம்
தளிக்க :                                  கடுகு, உளுத்தம் பருப்பு, மிளகாய் வற்றல்



பருப்பு வேகவைங்க , அதில் கீரையை போடி பொடியாக நறுக்கி போட்டு
வெங்காயம் சேர்த்து , குழம்பு பொடி சேர்த்து, மஞ்சள் தூள் மணக்க
ஜீரகம் கசக்கி போடுங்கள் , உப்பு தேவைக்கேற்ப சேர்த்து , தண்ணீர் சேர்க்காமல் அடுப்பில் கொதிக்க விடுங்கள் , கொஞ்சம் கெட்டியான
பதத்தில் , அடுப்பில் இருந்து இறக்கி

கடுகு உளுத்தம்பருப்பு , மிளகாய் வற்றல் தாளித்து , சூடு ஆறியபின் எலுமிச்சை சாறு சேர்க்கவும்

சுவையை அனுபவித்தவரே கூறமுடியும்

வெந்தயக்கீரையும் ,  வெந்தயக்குழம்பும் , நெஞ்சை அள்ளும் சுகம்

கூட்டணி கூட்டு

பெங்களூர் கத்தரிக்காய் கூட்டணி கூட்டு :- By:- Savithri Vasan
(துவரம் பருப்பு - கடலைப்பருப்பு)

                                        பெங்களூர் கத்தரிக்காய் ஒன்று

பருப்பை வேக வைங்க (துவரம் பருப்பு & கடலைப்பருப்பு)
காய் சிறிது சிறிதாக நறுக்குங்க
புளி கரைத்து வைத்துக் கொள்ளுங்கள்

பாத்திரத்தில்  காயை போட்டு , புளி கரைசலை விட்டு
2 ஸ்பூன் குழம்பு பொடி போட்டு , பெருங்காயம் , உப்பு
சேர்த்து  அடுப்பில் வைத்து கொதிக்க விடவும்

பருப்பு வெந்ததும், அதை கொதிக்கும் குழம்பில் விட்டு
ஒரு 5 நிமிடம் கொதிக்க விடவும் .

கடுகு , உளுத்தம் பருப்பு தாளித்து , கருவேப்பிலை சேர்த்து
தாளிக்கவும்

அவ்ளவுதான் கூட்டணி கூட்டு ரெடி தட்ட போட்டு சாப்டுங்க

ஆனா இதுக்கு கொஞ்சம் தேங்காய் துருவல்
வறுத்து போட்டால் சுவை கூடும் .

இல்லை ஒரு ஸ்பெஷல் பொடி  ஒன்னு இருக்கு
அதை போட்டால் , இன்னமும் சுவை கூடும்

இதப் படிச்சுட்டு அந்த பொடி என்னன்னு தெரிஞ்சுக்கணும்னா
எனக்கு எழுதுங்க , இல்லை கமென்ட் போடுங்க , நான் சொல்லறேன் !!!!

மாறிடும் மனித கூட்டணி , மாறாதது .......சமையல் கூட்டணி
மணக்க வைக்கும்  பெங்களூர் கத்தரிக்காய் கூட்டணி கூட்டு