Thursday, November 21, 2013

குக்கரில் குழைந்த ரசம் சாதம் - நேரடி பிரஷர் குக்கர் ரசம் சாதம்

Pressure Cooker Rasam - Sadam  ........................
by: Savithri Vasan (Courtesy Ms Saraswathi Jayaraman)

சிலநேரங்களில் வீட்டில் கணவன் மனைவி 
இருவரும் ஒரு சேர அவசரநிமித்தம் வெளியே 
செல்ல நேரிடும் முக்கிய வேலை காரணமாக 

இப்படிதான் ஒருநாள் எனது மனைவியும் நானும் 
காலை 7 மணிக்கு புறப்பட்டு சென்றோம் , விரைவில் 
வேலை முடிந்து வந்து விடலாம் , வந்து சமையல் 
செய்து சாப்பிடலாம் என்று கருதி. வீட்டில் இருந்த 
பழைய சாதத்தை கரைத்து குடித்துவிட்டு 
கிளம்பிவிட்டோம் .

எதிர் பாராதவிதமாக சென்ற இடத்தில நேரம் அதிகமாக 
செலவிட வேண்டிய நிலை , வீட்டிற்கு வர மதியம் 
1 மணி ஆகி விட்டது.  

என்ன செய்யலாம், வீட்டிலே சமைக்கலாமா 
அல்லது வெளியில் இருந்து ஏதாவது வாங்கி 
வந்திருக்கலாமோ என்ற மனக்குழப்பம் 

திடீர் என்று  எனது மனிவியின் தோழி ஒருவர் 
சொன்ன குறிப்பு நினைவில் வந்தது , சாதம், ரசம் 
இரண்டும்  10 நிமிடத்தில் தயார் செய்து உடனே 
சாப்பிடலாம் என்று .

அந்த குறிப்பை நினைவு படுத்தி செயல் படுத்தினாள்
என் மனைவி. 

எப்படி என்று நீங்களும் பாருங்களேன் 

எங்கள் இருவருக்குதான் சமையல் 

குக்கரை  எடுத்தாள் அதில் 1.1/2 ஆழாக்கு 
அரிசியை போட்டாள், 2 தக்காளியை துண்டு 
துண்டாக நறுக்கி போட்டாள், உப்பு , பெருங்காயம் 
கடுகு , மிளகாய்வற்றல், கருவேப்பிலை, கொத்தமல்லி 
கொஞ்சம் துவரம் பருப்பு, கொஞ்சம் பயத்தம்பருப்பு 
(2 டீஸ்பூன் அளவு) அவ்வளவுதான் ,(புளி கரைசல் இருந்தால் 
நலம்) 



அவ்வளவுதாங்க, குக்கர்ல 7 விசில் சத்தம் வந்தது 
அடுத்த 5 வது நிமிடத்தில், தட்டில் சுட சுட சுவையான 
ரசம் சாதம், கைகளில் வந்தது.  இந்த இடைப்பட்ட 
நேரத்தில், 2 அப்பளம் எடுத்து சுட்டு தயாராக வைத்து 
இருந்தாள். 

வீட்டிலே சுவையான விருந்து சாப்பிட்ட உணர்வு 

இப்படி நேரடி குக்கர் சமையல் பலவிதமான 
உணவுகள் தயாரிக்கலாம், இவற்றை நாம் 
ஒன்றன்பின் ஒன்றாக பார்ப்போம் .

நீங்களும் செஞ்சு பாருங்க, சுவைத்து கூறுங்கள்