பிரைடு ரைஸ் (Fried Rice) வேகவைத்த சாதம்

பிரைடு ரைஸ் (Fried Rice) வேகவைத்த சாதம்

தேவையான காய்கள் :-

காரட் , குடை மிளகாய், தக்காளி, பச்சை பட்டாணி
உருளைக்கிழங்கு , பீன்ஸ்

இந்த காய்களை, சிறு சிறு துண்டுகளாக நறுக்கி ,
உப்பு சேர்த்து வேகவைக்கவும் , வெந்தபின்
நீர் வடித்து , அடுப்பில் வாணலி வைத்து, கொஞ்சம்
எண்ணை விட்டு, கடுகு, உளுத்தம் பருப்பு தாளித்து
வெந்த காய்களை போட்டு 5 நிமிடம் வதக்கவும்
( காயில்  உள்ள நீர் இழுத்துவிடும்)


சாதம் 2 ஆழாக்கு குக்கரில் தயார் செய்து கொள்ளவும்

அரைக்க வேண்டிய மசாலா பொருட்கள் :-

தேங்காய் துருவல்
தனியா
கிராம்பு
பட்டை
சோம்பு
இஞ்சி
பச்சை மிளகாய்
பூண்டு
மிளகு
இவைகளை , வாணலியில் ஒன்றன் பின் ஒன்றாக போட்டு
வறுத்து அரைத்து பொடி செய்து வைத்துக்கொள்ளவும்

வடித்த சாதத்தில் வேகவைத்து வதக்கிய காய்களை  போட்டு ,
உப்பு சேர்த்து ,பொடித்து வைத்த மசாலா பொடியை போட்டு நன்றாக
கிளறவும்.

சுவையான சூடான , வண்ணமிகு' ப்ரைடு ரைஸ்' ரெடிதானே !!!


இதில் இன்னமொரு சுலபமான வழி:-

அரிசி இரண்டு ஆழாக்கு , 4 டம்பளர் தண்ணீர்
வதக்கிய காய்கள் (வேக வைக்க வேண்டாம்)
தயார் படுத்திய மசாலா பொடி , இவை அனைத்தும்
ஒன்றாக போட்டு குக்கரில் சாதம் செய்வது போல்
5 விசில் சத்தத்தில் ,  பதப்படுத்தப் பட்ட சுவையான
சாப்பாடு தயார்.

செஞ்சு பாருங்க ,  எது சுவையா சுலபமா இருக்கோ
அத அவங்க அவங்க கடைபிடிங்க .........

"ஆகமொத்தத்தில் வேகவைத்த சோறு  சுவையில்  அட்டகாசம்"