பாதுஷா - தித்திக்கும் தீபாவளி ஐட்டம் - 9

பாதுஷா 

அக்பர், பாதுஷா மறக்கலாம் !!! , 

அம்மா சொல்லிக்குடுத்த பாதுஷா மறக்க முடியுமோ ??


எனக்கு ஒவ்வொருவருஷமும் தீபாவளிக்கு பாதுஷா
வீட்லயே செய்யனும்னு ஆசை ஆனா சரியா வருமா ?
வரதா? அப்டின்னு ஒரு சின்ன சந்தேகம் , அப்புறம்
நம்ம நண்பர் (ஸ்வீட் கடை வச்சிருக்கார்) அவர்கிட்ட
போய் கேட்டேன் , அட இது என்னப்பா பெரிய விஷயம்
நான் சொல்லித்தரேன் அதே மாதிரி பண்ணு அப்டின்னு
சொன்னார்.


அவர் சொன்ன செய்முறைதான் உங்களுக்கும் எனக்கும். 

அதே முறையில் தான் நாம இந்த வருஷம் செய்யபோறோம் 
கவனமா பாத்து பண்ணுங்க , சந்தோஷமா சாப்பிடுங்க


தேவை என்ன என்ன

மைதா மாவு ( ஆல் பர்பஸ் மாவு) 200 கிராம்
உருக்கிய நெய் 2 டீஸ்பூன்
உப்பு 2 சிட்டிகை
ஆபசோடா 1/2 டீஸ்பூன்
தண்ணீர் 1/4 கப் ( தேவைக்கேற்ப)
எண்ணை / நெய் 200 ML


சர்க்கரை பாகு தயாரிக்க 

தேவையானவை

சர்க்கரை 100 கிராம்
தண்ணீர் 1 டம்பளர்

சர்க்கரை 1/4 கப் மேலே தூவுவதற்கு இருக்கட்டும்

மைதா மாவு, உப்பு, ஆபசோடா, உருக்கிய நெய் விட்டு , தேவையான
அளவு தண்ணீர் விட்டு கெட்டியாக பிசைந்து வைக்கவும் .

30 நிமிடம் கழித்து இந்த மாவை 9 பங்காக பிரித்து சிறு உருண்டைகளாக
உருட்டி உள்ளங்கையில் வைத்து மெதுவாக அமுத்தி நடுவில் கட்டை
விரலால் ஒரு சின்ன ப்ரெஸ் குடுக்கவும் (படத்தை பார்க்கவும்)

அடுப்பில் வாணலியில் மிதமான சூட்டில் எண்ணை / நெய் விட்டு
தயார் செய்து வடை போல் தட்டி வைத்த மாவை போட்டு
நன்றாக இருபுறமும் திருப்பி திருப்பி பொரிக்கவும் , பொன்னிறம்
கலரில் வாணலியில் இருந்து எடுத்துவிடவும் .

ஒரு பாத்திரத்தில் தண்ணீர் விட்டு சர்க்கரை போட்டு , சர்ர்க்கரை
நன்றாக கரையும் வரை கிளறவும். இப்பொழுது எண்ணை / நெய்யில்
பொறித்த பாதுஷாவை சர்க்கரை பாகில் போட்டு , இருபுறமும்
படும்மாறு திருப்பி போட்டு வைக்கவும்.

பிறகு இதை ஒரு தட்டில் எடுத்து வைக்கவும் , காலையில்
பார்க்கும் பொழுது சர்க்கரை பூத்த வெள்ளை நிற பாதுஷா
கண்ணைப்பறிக்கும்.

என்னங்க இதைப்பார்த்ததும் இப்பவே பண்ணனும்னு மனசு
கிடந்து துடிக்குமே , செய்யுங்க , செஞ்சு சுவையுங்க , நானும்
எனவீட்ல செஞ்சு, சுவைத்து சொல்லறேன் எப்டி இருந்ததுன்னு