Saturday, October 13, 2012

பகாளா பாத் (தயிர் சாதம் ) /கர்ட் ரைஸ்

பகாளா  பாத் (தயிர் சாதம் ) /கர்ட் ரைஸ் 


என்ன பார்க்கறீங்க , எல்லாம் ஒண்ணுதான் , பெயர்தான் 
வேற.  பொதுவா முதல் நாள் இரவு வீட்ல யாரும் சாப்பிடாம 
சாதம் மீந்து போச்சுன்னா , அதுல கொஞ்சம் தண்ணி விட்டு 
வச்சு  மறுநாள் காலைல அதுல தயிர் விட்டு , பச்சைமிளகாய் 
பச்சை வெங்காயம் தொட்டுண்டு சாப்பிட்டாலும் அதுவும் இதுதான் 


ஆனா நாம இப்ப தனிய சூடா சாதம் வடிச்சு அதுல புளிக்காத 
தயிர்விட்டு , கொஞ்சம் பால் விட்டு இப்டி அலம்பலா செஞ்சும் 
சாப்பிடலாம் 
                                                                   புளிக்காத தயிர்


கொஞ்சம் குழைய வடித்த சாதம்



                                                                   காய்ச்சிய பால்  

தேவை: 

அரிசி 2 ஆழாக்கு 
புளிக்காத தயிர்  3 கப் 
பால்                    1 கப் 
பச்சை மிளகாய்  3
இஞ்சி                  1 துண்டு 
மாங்காய் கிடைத்தால் 1 துண்டு 
உப்பு       தேவைக்கேற்ப
கொத்தமல்லி  கொஞ்சம் 
கருவேப்பிலை கொஞ்சம் 

தாளிக்க: கடுகு 


அரிசிய குக்கர்ல போட்டு கொஞ்சம் குழைசலா சாதம் வடிச்சிடுங்க 

கொஞ்சம் சூடு ஆறினதும் , தயிர் அதுல விட்டு , தேவையான உப்பு 
சேர்த்து நல்லா கலந்திடுங்க , கொஞ்சம் பால் சேர்த்து , இதனுடன் 
துண்டு துண்டா நறுக்கிய  இஞ்சி, பச்சை மிளகாய், மாங்காய் சேர்த்து 
கடுகு தாளிக்கவும் .

பிறகு கருவேப்பிலை, கொத்தமல்லி சேர்க்கவும் .






வெய்யில் காலத்திற்கு ஏற்ற உணவு. பயணங்கள் மேற்கொள்ளும் போது  
எளிதில் தயார் செய்து எடுத்துசெல்ல ஏதுவானது. பயணங்கள் மேற்கொள்ளும் போது  
புளிக்காமல் இருக்க பால் கொஞ்சம் கூடுதலாக சேர்க்கவும் .(பழக பழக பாலும் புளிக்கும்- பழ மொழி)

இன்னமும் ரொம்ப ரிச்சா  இருக்கணும்னா , முந்திரி, திராட்சை, பச்சை திராட்சை 
இவற்றை தேவைக்கேற்ப சேர்க்கலாம்