பச்சை பட்டாணி சூப்

பச்சை பட்டாணி சூப்

உணவுக்கு முன் சூப் அருந்துவது நமக்கு இன்று பெரும்பாலான
உணவகங்கள் மூலம் ஏற்ப்பட்ட பழக்கம். இதை பருகும் போதே
நாம் வீட்டிலேயே இதை செய்து பழகினால் என்ன என்ற ஆசை
தோன்றும் . அது ஒன்றும் அவ்வளவு கடினமானதல்ல
வாங்க சேர்ந்து பழகுவோம் .

இப்பொழுது பட்டாணி சூப் செய்வது எப்படி என்று பார்ப்போம்


தேவையான பொருட்கள்

பச்சைப் பட்டாணி - 150 கிராம்
உருளைக்கிழங்கு - 2
பெரிய வெங்காயம் - 1
இஞ்சி - சிறிதளவு
எலுமிச்சம்பழச் சாறு - 1 மேஜைக் கரண்டி
கொத்தமல்லித்தழை - சிறிதளவு
மிளகுத்தூள் - தேவையான அளவு
வெண்ணெய் - 1 மேஜைக் கரண்டி
உப்பு - தேவையான அளவு

வெங்காயம் ,இஞ்சி,  உருளைக்கிழங்கு தோல் சீவி போடி பொடியாக நறுக்கி வைக்கவும் 

வெண்ணை உருக்கி இஞ்சி, வெங்காயம், கொத்தமல்லி தழை ,உருளைக்கிழங்கு போட்டு நன்றாக வதக்கவும் , இதனுடன் இப்பொழுது 100 கிராம் பட்டாணி சேர்த்து நன்றாக வதக்கவும் . 

3 டம்பளர் தண்ணீர் விட்டு வதக்கிய பொருட்களை தண்ணீரில் போட்டு மிதமான தீயில் வேக வைக்கவும் 10 நிமிடம் கழித்த் அடுப்பில் இருந்து இறக்கி , வேகவைத்த நீரை தனியே  ஒரு பாத்திரத்தில் எடுத்து வித்து வெந்த பொருட்களை மசிய அரைக்கவும் 

அரைத்த விழுதை தனியே வைத்துள்ள  நீரில் போட்டு வடிகட்டவும் , இதனுடன் , மிளகுத்தூள் , எலுமிச்சை சாறு சேர்த்து , 5 நிமிடம் கொதிக்க விட்டு இறக்கி வைக்கவும் 

மீதமுள்ள 50 கிராம் பட்டாணியுடன் உப்பு சேர்த்து குக்கரில் வேகவைத்து , தயாராக உள்ள கரைசலில் சேர்த்து , சூடாக பரிமாறவும் .

இவளவுதாங்க சூப் தயார் , சாப்டுங்க  சுவையா , 


பருகலாம் வாங்க  பச்சை பட்டாணி சூப்