கடலைமாவு கேக் ( 7 கப் கேக் )

கடலைமாவு கேக் ( 7 கப் கேக் ) தித்திக்கும் தீபாவளி ஐட்டம் - 5


கடலை மாவு 1 கப்
துருவிய தேங்காய் 1 கப்
நெய் 1 கப் (உருக்கியது)
பால் 1 கப்
சர்க்கரை 3 கப்
ஏலக்காய் 5 (பொடி செய்து வைக்கவும்)
முந்திரி 5 (நெய்யில் வறுத்து
கொர கொரப்பாக அரைத்துக்கொள்ளவும்)

அடுப்பில் மிதமான சூட்டில் வாணலியில் கடலை மாவை
போட்டு சற்று சூடேற்றி , அதனுடன் , சர்க்கரை , பால் சேர்த்து
நன்றாக கிளறவும் ( கட்டி ஆகாமல் பார்த்துக்கொள்ளவும்)
                               

இதனுடன் அரைத்த முந்திரி , தேங்காய் துருவல் சேர்க்கவும்
நெய்யில் பாதி அளவு சேர்த்து நன்றாக கிளறவும். பக்கவாட்டில் 

உள்ளவற்றை நன்றாக நடுவில் சேரும்படி கிளறி பதம் வந்தவுடன்
நெய் தடவி வைத்து உள்ள தாம்பாளத்தில் கொட்டி, தாம்பாளம்
முழுவதும் பரவும்படி செய்து சற்று ஆற விடவும் .

சூடு கொஞ்சம் ஆறியபிறகு வேண்டும் அளவிற்கு கத்தியால்
துண்டுகளாக போட்டுவிடவும் . பிறகு சிறிது நேரம் ஆனதும்
அவற்றை ஒரு டப்பாவில் எடுத்து வைக்கவும் .