நாலடியார் -- (348/400)

நாலடியார் -- (348/400)

-----------------------------

கடுக்கெனச்  சொல்வற்றாம் ; கண்ணோட்டம் இன்றாம் ;

இடுக்கண்  பிறர்மாட்டு  உவக்கும்; -- அடுத்தடுத்து 

வேகம் உடைத்தாம்; விறன்மலை நன்னாட!

ஏகுமாம்; எள்ளுமாம்; கீழ்.

பொருள்:- ஆற்றல், பெருமை பொருந்திய மலைகளை உடைய 

நல்ல நாட்டை உடைய மன்னனே! கீழ்மக்கள், கடுமையாகப் 

பேசுவதில் வல்லவர்; கண்ணோட்டம்(இரக்கம் ) இல்லாதவர்;

மற்றவர் படும் துன்பம் கண்டு மகிழ்ச்சி அடைவர்; அடிக்கடி 

கோபம் கொள்வர்; தாம் எண்ணிய, கண்ட, கண்ட இடங்களுக்குச் 

செல்வர்; பிறரை இகழ்வர். இவையெல்லாம் அவரது குணங்கள் 

ஆகும்.